Ulekleiv og Solvang vann Blåfelden Rett Opp 2023

Postet av Syvde IL den 5. Jun 2023

Øystein Ulekleiv, Dombås IL og Monica Solvang, Ørsta IL tok ein soleklar siger under Blåfelden Rett Opp.

Øystein Ulekleiv sprang på tidene som Andreas Skylstad vann med i 2019 (40:02). Ulekleiv låg godt bak i starten, men i skogen byrja han å hale innpå og avstanden auka opp Remen og bortover Eggja. Han kom i mål på 39:39. og er soleis i ei eiga klasse ilag med bl.a. Thorbjørn Ludvigsen, Øyvind Heiberg Sundby, Kristen Skjeldal, Andres Aukland, Arve Rindal m.fl. som alle har tider under den magiske 40 minutters grensa.

Monica Solvang forbedra tida si ifrå 2022 med litt over eit minutt og passerte målstreken på 44:26 og nærmar seg no løyperekorden til Johanna Åstrøm 42:51 (2019)

Seierspallen kvinner: Nr.1 Monica Solvang 44:26 (i midten) Nr.2 Ingfrid Klokset (47) Tomrefjord IL og Nr.3 Solveig Uskedal (72) Uskedal IL.

Seierspallen menn: Nr.1 Øystein Ulekleiv 39:39, Nr.2 Andreas Skylstad, Norangdal IL, Nr.3 Aron Vonheim, Stårheim IL/ Eid motbakkelag.

Vinnarlaget i lagkonkurransen Rusten Kondisteam som består av f.v. Steinar Lade, Bjørn Ove Aaland og Karl Idar Vik. Dei stakk av med den store pokalen, og den er i trygge hender sidan både Steinar og Karl Idar er født og oppvokst i Syvde.